Gjykata e Apelit e Kosovës, duke vepruar sipas ankesave, e ka anuluar aktgjykimin e Gjykatës Themelore në Prishtinë, të datës 16 prill 2018, në rastin e të miturve G.H., R.G., dhe L.Ll.
Siç thuhet në komunikatën e Apelit, çështja i është kthyer të njëjtës gjykatë në rigjykim dhe rivendosje.
G.H. për veprat penale të vrasjes së rëndë dhe armëmbajtje pa leje, ishte dënuar më nëntë vjet e gjashtë muaj burgim.
E mitura R.G. për veprën penale “dhënie e ndihmës se kryesit, pas kryerjes se veprës penale”, i ishte shqiptuar masë edukuese – dërgim në institucionin edukativo- korrektues, në kohëzgjatje prej tre vjetëve.
Ndërsa, i mituri L.Ll. për shkak të veprës penale “moslajmërim i veprave penale apo kryerësve”, i ishte shqiptuar masa edukuese e mbikëqyrjes se shtuar të organit të kujdestarisë, në kohëzgjatje prej një viti e gjashtë muaj,
Kolegji prej tre gjyqtarësh i Gjykatës se Apelit, pasi vlerësoi pretendimet në ankesat e ushtruar, por e dhe sipas detyrës zyrtare, gjeti se aktgjykimi i gjykatës se instancës më të ulët duhet të anulohet pasi që i njëjti përfshihet në shkelje esenciale të dispozitave të procedurës penale të parapara ne nenin 384 të Kodit të Procedurës Penale.
Ndryshe, Aulon Zeka është vrarë më 16 shtator 2017, në Prishtinë./Insajderi