Nën përkujdesjen e kryetarit të Mitrovicës, Agim Bahtirit, ditën e mërkure (22 gusht) do të organizohet akademi përkujtimore me rastin e një vjetorit të vdekjes së ish-kryeministrit të Kosovës, Bajram Rexhepi.
Akademia përkujtimore do të mbahet në Qendrën e Kulturës “Rexhep Mitrovica”, në Mitrovicë, duke filluar nga ora 12:00.
Përmes një njoftimi të lëshuar nga Komuna e Mitrovicës, janë ftuar të gjithë miqtë dhe dashamirët që të jenë pjesëmarrës në këtë akademi përkujtimore.
Ish-kryeministri i Kosovës, Bajram Rexhepi ka vdekur në moshën 63-vjeçare pas një sëmundje të rëndë.