Kryetari i Skenderajt, Bekim Jashari, ka publikuar dokumtete tjera pas atij të mbrëmshmit për të dëshmuar se data e lindjes së komandantit legjendar, Adem Jashari, është 28 nëntor 1955.
Jashari që është djali i heroit Hamëz Jashari – vëllait të Adem Jasharit, ka treguar me publikimin e këtyre dokmunteve se komandanti legjendar kishte pasë emrin Fazli, njofton Klan Kosova.
“Në dokumentet të paraqitura, shihet edhe një detaj, që mbase dikush nuk e ka ditur për emrin fillestar të Adem Jasharit. Gjyshi i tij, për të ripërtërirë emrin e babait të vet, ia kishte vënë emrin Fazli por që të gjithë në familje vetëm Adem e thërrisnin. Dhe tek pas disa viteve, prindërit e tij ia ndërrojnë emrin nga Fazli në Adem”, ka shkruar Jashari në Facebook.
Ky hap i marrë nga ana e tij vjen pas deklarimit të analistit Nexhmedin Spahiu që data e lindjes së komandantit të UÇK-së, Adem Jashari është e falsifikuar.
Bekim Jashari në videon e postuar nga vet ai e quan Spahiun psikopat dhe njeri që mund ta ketë porositur dikush për shpifje.
