“Nga tani e tutje qytetarët e Vushtrrisë faturën për taksën e mbeturinave do të mund ta paguajnë edhe nëpërmjet Postës së Kosovës, pa provizion.” njofton kryetari i Komunës së Vushtrrisë, Xhafer Tahiri, përmes llogarisë së tij zyrtare në rrjetin social facebook.
Kjo do të jetë e mundur falë nënshkrimit të marrëveshjes së sotshme mes Tahirit dhe Drejtorit të Postës së Kosovës, e cila u bë sot në ambientet e Komunës së Vushtrrisë.
Me këtë Komuna lehtëson pagesën e taksës së mbeturinave për qytetarët, shmang radhën e pritjes në Komunë dhe ulë rrezikun e keqpërdorimeve.