Kryetari i Parlamentit Kadri Veseli, pas takimit me përfaqësuesen e lartë të BE-së, Federica Mogherinika thënë se sot në mesditë jepet rekomandimi pozitiv për liberalizim.
“Lajm shumë i mirë për qytetarët e Kosovës, në 11:30 eurokomisioneri [Dimitris] Avramopoulos do të jap lajmin pozitiv, rekomandimi është pozitiv për liberalizimin e vizave”, tha Veseli pas takimit.
“Është hap i parë, është historik. Ne ishim bashkërisht me Mogherinin për të treguar përkushtimin tonë për dialog dhe se jemi unik. Presim njohje nga Serbia, jemi në konsultime për paqe. Nga dialogu presim që Kosova të sigurojë ulësen në Organizatën e Kombeve të Bashkuara”
Veseli tha se takimi i delegacionit të Kosovës ka përfunduar ndëkohë që në takim ka mbetur Presidenti Thaçi, i cili duhet ta vazhdoj takimin me Presidentin serb Aleksandër Vuqiq.
“Presidenti mbeti në takim, ai është figurua unifikuese që na përfaqëson. Tjetrën herë na shihni bashkë me opozitën”, tha Veseli. /Insajderi