Kryetari i Komunës së Vushtrrisë, Xhafer Tahiri, i shoqëruar edhe nga nënkryetari Besim Muzaqi kanë realizuar sot një vizitë në objektin e Kishës Ortodokse Serbe në Vushtrri.
Gjatë kësaj vizite Tahiri ka takuar edhe priftin e kësaj kishe Simo Čimburoviq ku edhe është biseduar për problemet që preokupojnë besimtarët që gravitojnë në këtë objekt kulti.
“Qytetaret e Vushtrrisë jetojnë në paqe me fqinjet e tyre pavaresisht perkatesise etnike e fetare. Tregimi i priftit per kafet e mengjesit me fqiun e tij shqipëtar ishin inspiruese.” ka shkruar Tahiri në llogarinë e tij në facebook.
Tutje ai ka shtuar se diversiteti etnik dhe fetar është pasuri e jona të cilën duhet ta ruajmë si vlerë e popullit të Kosovës.