Si vitin e kaluar, po edhe sivjet mërgimtarët bënë çmos që ta mbajnë takimin në Strofc. Takimi tashmë është tradicional dhe ka karakter dëfrimi dhe njohjeje me njëri-tjetrin.
Vendi është bërë i ditur dhe të gjithë tanimë e dinë sigurt vendin e quajtur “Rrahu i Selmanit”, në Gjytetin Strofc të Vushtrrisë. Ky vend për banorët është një adresë e saktë ku mund ta takojnë bashkëfshatarin që gjatë kohë nuk kanë pasur mundësi që ta takojnë, por edhe të festojnë bashkë me të njëkohësisht dhe ta kujtojnë po ashtu të kaluarën e lavdishme dhe rrugët nëpër të cilat kaloi fshati ngaherë.
Këtu nuk shkon pa këngë dhe pa u kënduar heronjve të mëdhenj të fshatit të lashtë e historik. Ata që përherë kujdesen për muzikë janë këngëtarët Besim Haliti me vëllezërit e tij, Alban Jashari, Behram Hasani e të tjerë.
Takimi në Strofc organizohet çdoherë më 29 korrik nga një grup i mërgimtarëve. Kontributi i këtyre mërgimtarëve është me vlerë, pasi që ata gjithnjë kontribuojnë për fshatin me të gjitha forcat./MH/