Pas këngës “Pse të dua shumë”, Sadik Krasniqi tani sjellë projektin e ri të titulluar “Moj dashni e huaj”.
“Moj dashni e huaj” është projekti më i ri që e ka lansuar këngëtari i njohur, Sadik Krasniqi Diki, i cili prej shumë vitesh qëndron në skenën muzikore duke publikuar këngë live e duke performuar në evente të ndryshme muzikore, madje edhe në ahengje familjare, ku është shumë i kërkuar.
Këngtari Sadik Krasniqi Diki këngët e pastra shqipe i përpunon dhe i sjellë në një version më modern.
Planet e tij janë të shumta duke mos u ndalur për këtë vit me publikimin vetëm të këtij projekti, gjatë verës do jetë shumë i angazhuar me koncerte e mbrëmje muzikore gjithandej ku jetojnë shqiptarët përfshirë këtu edhe ahengjet familjare që zgjedhin pikërisht Sadikun për t’i argëtuar, ndërsa deri në publikimin e projekteve të reja, ju mund të shijoni këngën “Moj dashni e huaj”.
Sadiku jeton në Suedi por gjatë sezonit veror, ai kthehet në vendlindje për të pushuar dhe për t’i argëtuar shqiptarët me muzikën e tij.