Disa historianë argumentojnë se udhëheqësi i Rajhut të Tretë kishte një fiksim mbi objektin “magjik” të quajtur “Shtiza e fatit”.
Ushtarët nazistë që iu bashkuan Austrisë në vitin 1938 pohuan se Hitleri kishte dërguar një detashment të fshehtë SS për të kapur shtizën legjendare – e njohur gjithashtu si shtizë e fatit – e cila ishte fshehur në Vjenë.
Lufta e Dytë Botërore filloi sepse Hitleri besonte se fuqia e kësaj arme “magjike” do t’i japë forcën për të pushtuar botën, pohojnë disa autorë, transmeton InfoPress.
Për Hitlerin thuhet se u fiksua pas armës “magjike” ndërsa jetonte në Austri, sipas autorit britanik okult Trevor Rejvenkroft.
Shkrimtari pohoi të ketë qasje në shënimet e Dr Walter Stein – filozof austriak dhe hetues i shtizës së fatit për të cilën thuhet se ishte informuar lideri i ri nazist.
Është pohuar se, pas pushtimit të Austrisë dhe arritjes në Vjenë më 12 mars 1938, Hitleri së pari vizitoi muzeun Hofmuseum – ku ndodhej “Shtiza e fatit”
Edhe sot e kësaj dite në Pallatin Hofburg ndodhet shtiza e zezë dhe me ari gjersa të dhënat historike thonë se kjo ishte një objekt ceremonial që është përdorur nga Perandoria e Shenjtë Romake.
Miti është i lidhur me shtizë e Shenjtë – që në Krishterim njihet si shtiza e Shën Longinus.
Legjenda thotë se shtiza ishte përdorur nga Longinus për ta therur Jezusin në krah ndërsa ishte i varur në kryqin në Golgota.
Besimtarët e krishterë pretendojnë se gjaku i Jezusit ka hyrë në sytë e Longinus, i cili u shërua dhe më vonë u bë prift.
Shtizën e tij thuhet se ka përfunduar në duart e Perandorisë së Shenjtë Romake, para se nazistët ta kapnin atë gjatë pushtimit të Austrisë.
Është pohuar se nazistët e kanë varrosur këtë artefakt së bashku me objekte të tjera të konfiskuara të veprave të artit në Nuremberg dhe më vonë u gjet nga ushtria amerikane dhe u kthye në Vjenë.
Shtiza e Fatit është një relikt i shenjtë në besimin kristian. Thuhej se shtiza që u përdor për të shpuar Krishtin, kishte fuqi unike. Supozohej se vetëm ai që zotëronte Shtizën e Fatit do të mund të kontrollonte botën./gazetaexpress/.