Sindikata e minatorëve të Trepçës ka arritur marrëveshje me ministrin e Ministrisë së Zhvillimit Ekonomik që ta ndërpresin grevën.
Kjo marrëveshje mes përfaqësuesve sindikal dhe ministrit Valdrin Lluka është arritur pas ndërmjetësimit të kryetarit të Mitrovicës, Agim Bahtiri.
Arritjen e marrëveshjes në një prononcim për Veriu.info e ka konfirmuar kryetari Bahtiri, i cili ka apeluar te minatorët grevistë që ta mbështesin këtë marrëveshje, e cila është në favor të realizimit të kërkesave të tyre.
“Ndihem shumë i kanaqur që më në fund, ministri me përfaqësuesit e sindikatës, stafin menaxhues dhe Këshillin e grevistë kanë airritur një marrëveshje për ndërprerjen e grevës së përgjithshme. Kërkoj nga minatorët ta respektojnë këtë marrëveshje dhe ta ndëprerjen grevën, pasi që kjo është në favorin e tyre dhe të ‘Trepçës’ në përgjithësi”, ka thënë Bahtiri për Veriu.info.
Ndryshe, sot është dita e pestë e grevës së minatorëve, të cilët prej javësh kishin dëeguar disa kërkesa në drejtim të Qeverisë në lidhje me draft-statutin e ‘Trepçës’, por që nuk kishin arritur ta merrnin mbështetjen e ekzekutivit të vendit./Veriu.info/.