Vushtrria dhe Ballkani kanë qenë dy skuadrat me shikueshmërinë më të madhe në Ligën e Parë, në edicionin që e lamë pas.
Gazeta Olle ka nxjerrë statistikat zyrtare nga Federata e Futbollit të Kosovës.
Pavarësisht renditjes në tabelë, disa skuadra që kanë marrë rezultate pozitive, janë shumë dobët me shikueshmëri.
E derisa Vëllaznimi i Gjakovës ishte ekipi me shikueshmërinë më të madhe në Superligë, por edhe në mbarë Kosovën më 3187 shikues, primatin në Ligën e Parë e mban Vushtrria.
Ekipi i Isa Sadriut ka mbledhur 1247 tifozë për ndeshje.
Fatkeqësisht, skuadra nuk ia shpërbleu publikut fantastik mundin, pasi që dështoi të inkuadrohet në Superligë.
Në vendin e dytë është Ballkani i Suharekës, që për dallim nga Vushtrria u inkuadrua në elitë.
Ballkani ka pasur numër mesatar prej 1027 shikuesish për ndeshje.
Pos rezultateve, meritor në këtë shikueshmëri ka edhe organizimi i klubit dhe rinovimi i stadiumit./Gazeta Olle