I ftuar në emisionin Interkativ kryetari i Komunës së Vushtrrisë, Xhafer Tahiri, ka sqaruar edhe rreth akuzave të opozitës se po jeton në Prishtinë gjerës ushtron një funksion ekzekutiv në krye të Komunës së Vushtrrisë.
Ai ka thënë se këtë e kanë ditur qytetarët e Vushtrrisë që nga fillimi i kandidimit të tij si kryetar i Vushtrrisë.
Tutje Tahiri ka shtuar se ai ka krijuar familje në qytetin e Prishtinës ku edhe fëmijët e tij vijojnë mësimin, duke shtuar se pavarsisht kësaj ai është në komunikim të vazhdueshëm dhe shumë të afërt me qytetarët e Komunës së Vushtrrisë.
“Asnjëherë s’kam pasë as ëndërr të bëhem kryetar i Vushtrrisë. E kam vazhduar jetën time në Prishtinë sepse këtu kam nisur punën. Prishtina e Vushtrria janë shumë afër. S’ka ndodh të më shkruajnë qytetarët e Vushtrrisë e të mos u përgjigjem brenda 24 orëve. Jam në orën 8 në punë e madje punoj edhe pas orarit të punës”, tha ai.