Për nderë të muajit të Ramazanit dhe festës së Fitër Bajramit, edhe sot (13.06.2018) personeli i shkollës së Akrashticës në Komunën e Vushtrrisë kanë dhuruar të holla për nxënës dhe familjet e tyre që kanë kushte të vështira ekonomike.
“Falënderoj gjithashtu edhe bamirësit tjerë nga Vushtrria që shprehën dëshirë dhe ju bashkëngjiten aksionit tonë. Po ashtu edhe nxënësit e klasës së katërt sot ju bashkuan “Javës së bamirësisë” ku u grumbulluan disa të holla simbolike të cilat u dhuruan për bamirësi”, ka thënë Hajdin Islami, drejtor i kësaj shkolle.
Drejtori Islami tha se ky aksion ka nisur javë më parë dhe si i tillë është realizuar me shumë sukses kur dihet fakti se janë ndihmuar ata që kanë nevojë.
Ai tha se secilit nxënës bonjak të kësaj shkolle i është dhuruar nga një shumë simbolike e të hollave si dhuratë për festën e Fitër Bajramit. Ky nuk është aksioni i vetëm i kësaj shkolle, ato tashmë janë bërë traditë.____________________
Foto: Hajdin Islami