Deputetja e Partisë Social Demokrate të Kosovës, dhe nënkryetarja e Kuvendit Aida Dërguti, ka pësuar disa ndryshime në pasurinë e saj, nga viti 2017.
Aida Dërguti e cila ishte krye temë në muajt e fundit, për shkak se nuk pranoi ta dorëzoj postin e nënkryetares së Kuvendit, të cilën e fitoj sa ishte në Lëvizjen Vetëvendosje, ka deklaruar pasurinë e saj me 30 mars.
Dërguti posedon jo pak pasuri të paluajtshme.
Në formularin e saj të deklarimit në Agjencinë Kundër Korrupsion, figurojnë dy banesa një lokal, dhe tokë si dhe tokë bujqësore.
Dërguti është pronare e tërësishme e njërës banesë që posedon edhe bodrum, me vlerë prej 38,000.00 eurove.
Banesa tjetër e cila është në pronësi të përbashkët kap vlerën e 32,000.00 eurove.
Të dy këto banesa janë blerë dhe nuk janë trashëgimi familjare.
Ndërsa lokali dhe toka janë të shënuara si trashëgimi e Dërgutit, e që kapin vlerën e 50,000.00
E toka bujqësore e Dërgutit e cila gjithashtu është e evidentuar si pronësi e përbashkët vlen 2,500.00 eurove, shkruan GazetaBlic.
Nënkryetarja e Kuvendit ka në llogarinë e saj bankare 1,200,00 euro.
Por jashtë krejt këtyre pasurive, Dërguti ka edhe kredi.
Madje dy, njërën prej të cilave e ka shënuar si kredi për blerje të banesës të cilën edhe e posedon.
Vlera e kredisë është 24,418.21 euro.
Dërguti merr gjithashtu alimentacion për fëmijët e saj, nga prindi i fëmijëve.
Vlera e parave që merr kap shifrën e 840.00
Mirëpo nëse pasurinë e saj e krahasojmë me pasurinë e deklaruar në vitin 2017, shohim se Dërguti është liruar nga disa obligime financiare, që dikur i jepte për
Lëvizjen Vetëvendosje, e që tash i mbesin në xhepin e saj.
Në formularin e viti 2017, Dërguti kishte deklaruar se nga paga e saj që e merr nga buxheti i Kosovës, ka ndarë pagë për tre aktivistë të Lëvizjes Vetëvendosje.
E një gjë e tillë nuk i është imponuar këtë vit.
Por në formuarin e saj vërehet edhe një ndryshim tjetër.
Dërguti në vitin 2017 kishte një shtëpi, por që tanimë nuk e posedon.
Të paktën nuk figuron në deklarimin e saj në Agjencinë Kundër Korrupsion.
Ndonëse shtëpia ishte e deklaruar si trashëgimi familjare, ajo këtë vit nuk e ka deklaruar si pasuri.
Më poshtë gjeni linkun e plotë të formularit të pasurisë së Dërgutit në të dyja vitet./GazetaBlic/