Nën patronazhin e kryetarit të Komunës, z. Xhafer Tahiri, me 22 maj (e martë) në ora 12:00, mbahet Akademi përkujtimore kushtuar martirëve të vrarë në Masakrën e Vushtrrisë me 22 maj të vitit 1999.
Akademia mbahet në sallën e Kuvendit të Komunës.
Pas akademisë bëhen homazhe në varrezat e martirëve në varrezat e qytetit, si dhe tek lapidarët e dëshmorëve dhe të rënëve.
Me 22 maj të vitit 1999 brenda pak orësh në qytetin e Vushtrrisë u vranë në mënyrën më çnjerëzore 77 persona, derisa një person tjetër ende është në listat e të zhdukurve. Të njëjtën ditë u plagosën shumë persona e po ashtu nga forcat serbe u arrestuan edhe qindra persona qytetarë të Vushtrrisë.
Për më keq, për të fshehur gjurmët e krimit, personat e vrarë dhe maskaruar nga forcat serbe u dërguan në varrezë masive në Beograd, për tu zbuluar disa vite pas.