Kryetari vushtrrias Xhafer Tahiri, në bashkëpunim me USAID AGRO dhe partnerët strategjik të USAID AGRO nënshkruan dy marrëveshje për bujqësi sot brendaa zyrës së kryetarit të komunës. Projekti i parë ka të bëj me rritjen e sipërfaqeve të prodhimit me bimë mjekuese dhe aromatike, ndërësa projekti i dytë ka të bëj me rriejen e sipërfaqes së prodhimit me dredhëza industriale variteti Senga Sengana, në sipërfaqe prej 10 hektarësh.
Me këto marrëveshje, fermerët do të kenë të garantuar shitjen e produktit të tyre me çmim të tregut. Me këto marrëveshje do të mundësohet zhvillimi i industrisë komerciale të bimëve mjekuese dhe aromatike si dhe dredhëzës industriale.
Projekti njëkohësisht do të ndikojë në rritjen e zhvillimit të mirëqenies familjare përmes hapjes së vendeve të reja të punës dhe diversifikimin e prodhimit bujqësorë. Ky është një nga premtimit e kryetarit Tahiri në bashkëpunim me partnerë tanë.