Instituti GAP, ka bërë publikimin e buxhetit të përgjithshëm të Komunës së Vushtrrisë për vitin 2018. Në kuadër të këtij publikimi janë ndarë të gjitha kategoritë buxhetore dhe projektet kapitale të komunës. Buxheti i përgjithshë i komunës së Vushtrrisë është 10.6 milion euro.
Në kuadër të pagave dhe mëditjeve komuna jonë nga buxheti i sajë ka ndarë gjithësej 10.1 milion euro paga dhe mëditje, ku në këtë kategori futen: arsimimi dhe shkenca me 68.47% e buxhetit, shendetësia dhe mirëqenia sociale me 14.58%, shërbimet publike me 3.03%,kultura rinia dhe sportet me 2.01%, zyra e kryetarit të komunës 1.76%, administrata dhe personeli1.73%, buxheti dhe financa me 1.69%, shërbimet sociale dhe rezidenciale me 1.40%, zyra e Kuvendit Komunal me 1.22% dhe inspektimet me gjithësej 0.94% nga kategoria e pagave dhe meditjeve.
Ndërësa në kuadër të shpenzimeve komunale, buxheti komunal ka ndarë gjithësej 241K, ku hyjnë shërbimet sociale dhe rezidenciale, zyra komunale për komunitete, shëndetësia dhe mirëqenia sociale, arsimimi dhe shkenca, shërbimet publike, mbrojtja civile dhe emergjenca. Në kuadër të subvencioneve dhe transfereve buxheti ka ndarë gjithësej 182.9 K. Në kuadër të mallërave dhe shërbimeve, buxheti komunal ka ndarë gjithësej shumën prej 2.6M për këtë kategori dhe për kategorinë e shpenzimet kapitale janë ndarë gjithësej 4.5M.