Në prani të prindërve, mysafirëve dhe personelit të shkollës, me poezi, këngë e valle, të martën (sot) nxënësit e Shkollës së Akrashticës në Komunën e Vushtrrisë kanë festuar “Festën e Abetares”.
Këta nxënësit që tashmë mësimin po e zhvillojnë sipas Kurrikulës së Re janë përgëzuar edhe nga drejtori i kësaj shkolle, Hajdin Islami.
“Sukseset e shkollës sonë janë të mëdha, të gjithë jemi krenar. Urime për ditën tuaj, jemi të lumtur që ju po sot edhe pse jeni në klasën e parë, keni arritur të mësoni shkrim –lexim”, ka thënë drejtori Islami.
Po ashtu të pranishmit i kanë përshëndetur edhe mësueset e kësaj klase Erleta Pllana dhe Lejla Ymeri – Pllana.