Policia e Kosovës sot rreth orës 17:00 në afërsi të Liqenit Akumulues në Mitrovicë ka gjetur një trup pa shenja jete.
Trupi i pajetë i përket një 48 vjeçareje dhe në ujë ishte parë nga qytetarët të cilët kanë njoftuar organet e sigurisë, por ende nuk dihen shkaqet e vdekjes.
Zëdhënësi i Policisë për rajonin e Mitrovicës Avni Zahiti, ka thënë se trupi i përket gjinisë femërore dhe gjetja e saj është bërë rreth orës 17:30.
“Diku rreth orës 17:30 është gjetur një trup i pajetë i një vajze. Policia ka dalur në vendngjarje dhe është duke e hetuar rastin”, ka thënë Zahiti.