Në orën 3:25 të datës 29 maj 2018, policia në Mitrovicë i është përgjigjur një informacioni për dhunë në familje.
Siç njofton Policia, ngjarja raportohet të ketë ndodhur në rrugën “Beteja e Koshares” në Mitrovicë, ku njësitet policore takojnë viktimën e rastit femër e moshës rreth 37 vjeçare e cila ishte sulmuar fizikisht nga bashkëshorti i saj ku si pasojë kishte pësuar lëndime të dukshme trupore.
Viktimës i është ofruar tretman mjekësor në Spitalin Rajonal në Mitrovicë e më pas është dërguar për në QKUK.
Veprimet policore ishin orientuar drejt identifikimit dhe arrestimit të të dyshuarit H.B., 37 vjeçar, me ç’rast është realizuar bastisje në shtëpinë e tij, ku në cilësi të provave materiale janë gjetur dhe konfiskuar një pistoletë me 34 fishekë, një shufër metalike, një shufër gome, një palë pranga dhe një thikë.
Pas procedurave intervistuese, të dyshuarit i është caktuar masa e ndalimit policor. Ndaj tij është iniciuar rast për veprën penale “lëndim trupor” dhe “armëmbajtje pa leje”. /Koha Ditore/.