Drejtoria pë Kulturë, Rini dhe Sport njofton të gjithë fëmijët e interesuar që dëshirojnë të jenë pjesë e garës së recitimit se Teatri i qytetit të Vushtrrisë organizon garën e recitatorëve.
Regjistrimi i fëmijëve ka filluar më 12 prill 2018 dhe do të mbahet më 23 dhe 24 prill 2018 në Qendrën e Kulturës “Hasan Prishtina” në Vushtrri, ndërësa të interesuarit për pjesëmarrje mund të paraqiten çdo ditë pune nga ora 10:00 deri në orën 12:00 në zyrën numër 13 të teatrit të qytetit, e cila gjendet në objektin e shtëpis së kulturës “Hasan Prishtina”në Vushtrri.
Për recituesit më të mirë Teatri i Qytetit do të ndajë tri çmime, ndërsa kriter për pjesëmarrje në këtë garë është që poezit duhet të jenë të autorëve shqiptarë.