Instituti Hidrometeorologjik i Kosovës ka bërë të ditur se gjatë vikendit vendi ynë do të jetë nën ndikimin e masave të ajrit me presion të lartë atmosferik, ndërkaq në këto kushte do të mbajë mot i vranët dhe kthjellime të pjesshme.
IHK njofton se temperaturat do të ngriten mbi vlerat e mesatareve krahasuar me të njëjtin muaj të viteve paraprake.
“Në disa lokalitete për shkak të ndryshimeve të mëdha të gjendjes termike dhe kushteve tjera klimatologjike ka mundësi që në orët e para të ketë mjegull afatshkurtër”, bëhet e ditur në njoftim.
Temperaturat minimale do të lëvizin ndërmjet 4-8 gradë Celsius, kurse maksimalet e ditës parashihet të lëvizin nga 16-21 gradë Celsius.
Do të fryjë erë kryesisht nga verilindja, por të dielën do të ketë[ masa të ajrit nga juglindja me shpejtësi 1-5m/s. /Telegrafi/