Kryetari i Komunës së Mitrovicës, Agim Bahtiri, sot ka pritur në takim, ambasadorin e Britanisë së Madhe në Kosovë, Ruairí O’Connell, i shoqëruar edhe nga, Fiona Mcilwham, drejtuese e Departamentit për Ballkanin Perëndimor në Ministrinë e Punëve të Jashtme Britanike.
Me këtë rast, kryetari i Mitrovicës, Agim Bahtiri e falënderoi ambasadorin O’Connell për vizitën në Komunën e Mitrovicës si dhe e njoftoi me gjendjen e përgjithshme në komunën tonë, sukseset e arritura dhe sfidat e qeverisjes lokale si dhe shprehu interesimin e institucionit të Komunës për të bashkëpunuar me ambasadat e vendeve mike të Republikës së Kosovës, me qëllim realizimin e projekteve të përbashkëta në fusha të ndryshme të jetës publike e shoqërore.
Në anën tjetër, ambasadori O’Connell, falënderoi kryetarin e Komunës, Agim Bahtiri për pritjen, dhe për këtë takim miqësie si dhe për momentet e diskutimit, duke siguruar kryetarin e Mitrovicës, Agim Bahtiri për vendosjen e raporteve të qëndrueshme të bashkëpunimit, mbështetjen nga populli britanik për projektet dhe iniciativat e ndryshme që do të ndërmerren në të ardhmen nga Komuna e Mitrovicës, si dhe ndërveprimit në mes dy institucioneve gjegjëse në nisma të përbashkëta.