Drejtoria për Shërbime Publike njofton të gjithë qytetarët e Komunës së Vushtrrisë, se për çdo ndërhyrje në infrastrukturë (rrugë, trotuare, ujësjellës, kanalizim etj.) paraprakisht duhet të pajisen me leje nga organet komunale, në të kundërtën do të aplikohen masat ndëshkuese sipas Ligjeve dhe Rregulloreve në fuqi.
Po ashtu çdo hyrje në sheshin e qytetit pa leje të veçantë, ndalje e mjeteve motorike në trotuare dhe rrugë ku është e ndaluar ndalja dhe parkimi, do të ndëshkohen nga organet kompetente si dhe do të dislokohet nga auto-merimanga.
Këto aktivitete do të ndërmerren me qëllim të ruajtjes së infrastrukturës dhe rritjes së shkallës së sigurisë për të gjithë pjesëmarrësit në komunikacion.