Kryetari i Komunës së Vushtrrisë, Xhafer Tahiri, së bashku me Drejtorin e Drejtorisë për Shpëtim, Bajrush Kosumi, si dhe nënkryetarin Besim Muzaqi kanë dalë sot në terren për të parë nga afër punët që janë duke u kryer për sanimin e gjendjes pas vërshimeve që kanë ndodhur në disa nga fshatrat e Vushtrrisë.
Tahiri i cili për këtë vizitë në terren ka njoftuar përmes profilit të tij në rrjetin social facebook, gjithashtu ka treguar edhe për daljen në ndihmë që është bërë për ato familje që janë prekur nga vërshimet ku ekipet e emergjences kane derguar gjera ushqimore, batanije dhe barna për familjet shtëpitë e të cilëve janë vërshuar nga uji!
Ai po ashtu ka njoftuar edhe për disa nga rrugët e disa fshatrave që janë bërë të pakalueshme dhe ka lutur qytetarët që të përdorin rrugët alternative.