Djaloshi nga Kosova, Milot Rashica mbrëmë e kishte pasur ndeshjen e parë për Werder Bremen të cilën e nisi nga fillimi i ndeshjes, pasi pak para startit të takimit ishte lënduar mesfushori Philipp Bargfrede.
Mirëpo, Rashica nuk dëshpëroi dhe arriti të shënonte golin e tij të parë në fanellën e Werder Bremen, që ishte edhe goli i cili ktheu epërsinë për ekipin e tij, të cilën ndeshje në fund e fituan ndaj Koln me rezultat 3-1 në Bundesliga.
Miloti pas ndeshjes përmes një statusi në gjuhën angleze, u shpreh në llogarinë e tij në Twitter duke thënë: “Çfarë ndeshje!!! Ende po ndjehem elektrizues. Një stadium fantastikë, me një atmosferë të pabesueshme të krijuar nga tifozët e Werder, të cilët na përkrahnin çdo minutë. Jam krenar që shënova golin e parë për këtë skuadër të madhe, në ndeshjen time të parë në “Weser Stadion”. Ju faleminderit të gjithëve”. /Insporti.com
What a game!! Still electrified. Great stadium, unbelievable atmosphere of WERDER-Fans, who did push us from minute one 💪🏻👏🏻 Proud to have scored my first goal for this great team at my very first game at Weser-Stadium 😃 Thank you guys! #svwkoe #werder #bremen pic.twitter.com/7zCRyADFrP
— Milotrashica7 (@milotrashica) March 12, 2018