Dy vëllezër janë vrarë në orët e para të mëngjesit të sotëm në fshatin Plloqicë të Malishevës.
Shani e Bahri Maloku kanë mbetur të vrarë pasi u qëlluan nga disa persona të panjohur, raporton lajmi.net
Sipas banorëve dhe dëshmitarëve të rastit ata u vranë nga hajnat, të cilët kishin synuar të vjedhin shtëpinë e tashmë të ndjerëve.
Njëri nga vëllezërit ka vdekur rrugës për në QKMF-në e Malishevës, e tjetri rrugës për QKUK.
Në këtë fshat edhe gjatë ditëve të kaluara ka pasur raste të vjedhjeve, sipas banorëve.
Policia nuk ka mundur ta konfirmoj shkakun e vrasjes, por kanë bërë të ditur se më vonë do të japin informacione.
Në lidhje me vrasjen e dy vëllezërve deri më tani janë arrestuar dy persona. /Lajmi.net/