Qytetarët e Kosovës që kanë punuar në Zvicër, pas pensionimit mund t’i marrin pensionet e Zvicrës në Kosovë, kjo pasi që sot Qeveria e Kosovës miratoi dhënien e autorizimit për nënshkrimin e Marrëveshjes për Sigurime Sociale me Konfederatën e Zvicrës, raporton “Zëri.info”.
Zëvendësministri i Ministrisë se Punës dhe Mirëqenies sociale, Qerkin Dukolli tha se kjo marrëveshje do të jetë në favor të qytetarëve.
“Është krijuar grupi teknik dhe janë mbajtur tre runde negociatash. Palët kanë finalizuar testet e marrëveshjes. Kjo marrëveshje ka të bëjë me realizimin e të drejtave të punës. Qytetarët që kanë punuar në Zvicër, pas pensionimit ta marrin pensionin në Kosovë”, tha ai. /Zëri/