Ky është momenti kur një grup i fshatarëve paraqiten duke tërhequr një kamion për ta ndaluar atë të binte në një lumë në lindje të Kinës.
Sipas mediave të huaja, përcjell Telegrafi, bëhet fjalë për më shumë se 100 burra të fortë të cilët ndaluan për të shpëtuar kamionin që rrëshqiti poshtë një shpati prej 20 metrash.
Siç edhe mund të shihet, disa njerëz u bënë radhë derisa mbanin litarë, duke tërhequr kamionin përgjatë një shpati rrëshqitës.
Shoferi i kamionit, Z. He, ka shpjeguar se kamioni i tij shkoi në shpatin kur u përpoq ta kthente veturën në rrugën e rrëshqitshme.
“Nuk mund ta shpëtoja kamionin pa marrë parasysh se sa shumë shtypja në pedale të gazit”, ka thënë shoferi.
Zjarrfikësit kanë thënë se ishte e pamundur që kamioni të tërhiqej nga një kamion i tyre, për shkak të hapësirës në rrugë, prandaj u desh tërheqja e tij me litar. /Telegrafi/