Në përvjetorin e 28 të rrethimit të fshatit Nedakoc dhe familjes Gubetini, sot krytari i komunës së Vushtrrisë, Xhafer Tahiri, bashkë me nënkryetarin Besim Muzaqi kanë vizituar fshatin Nedakoc dhe familjen Gubetini.
Gjatë qëndrimin në Nedakoc, kryetari Tahiri ka kujtuar dhunën e ashpër që policia serbe në të kohë kishte ushtruar mbi familjen Gubetini, e cila me gjithë torturat dhe dhunën e ushtruar mbi ta, qëndruan stoik në fshatin e tyre dhe nuk e braktisën. “Ne emër të Komunës së Vushtrrisë shprehe mirënjohjen time te thellë për kontributin e familjes Gubetini dhe te gjitha familjeve vushtrriase për liri e për pavarësi. Fal Zotit, armiqtë tanë që na shkaktuan kaq shume dhimbje janë mundur, tani duhet të punojmë të zhvillojmë, e ta fuqizojmë lirinë dhe shtetin tonë”, tha me këtë rast kryetari Tahiri.
Ndërsa, Nuredini, kryefamiljar i familjes Gubetini e falënderoi kryetarin e Komunës për këtë vizitë, të paren nga organet komunale për të shënuar këtë përvjetor.