Bazuar në Marrëveshjen e Binjakëzimit mes Komunës së Vushtrrisë dhe Komunës Växjö në Suedi, drejtues të Kuvendit të Komunës së Vushtrrisë të udhëhequr nga Nasuf Aliu kryesues, po qëndrojnë në vizitë zyrtare në Vaxjo të Suedisë.
Postimi i plotë i kryesuesit të Kuvendit Komunal të Vushtrrisë Nasuf Aliu:
Dje dhe sot, bashkërisht me ekipën tonë, zhvilluam disa takime domethënëse me qëllim shkëmbimi të përvojave të suksesshme në të dyja kuvendet. Po ashtu vizituam disa projekte inovative dhe kapitale që janë në zhvillim e sipër në Växjö, mes tjerash u mbajt edhe një ligjëratë rreth aktivizimit politik në Linnaeus University.
Sot, në Kuvendin e këtij qyteti, përball 61 këshilltarëve komunal, kryetares së qytetit, znj. Anna Tenje, po ashtu kryesisë së kuvendit dhe qeverisë komunale, shkurtimisht prezantuam në emër të Kuvendit të Vushtrrisë mirënjohjen tonë të thellë për këtë bashkëpunim, vlerësimin e gjertanishëm si dhe një prezantim të shkurtër për qytetin e Vushtrrisë.
Ne u zotuam se do të shtyjmë përpara praktikat e vlerësuara si pozitive, mes tjerash plotësimin e Rregullores së Kuvendit dhe praktika të tjera.
Për arritjen e këtij bashkëpunimi falënderime meriton më së shumti mërgimtari jonë në Suedi, Islam Islami.