Zërave për kthimin e Kalasë së Qytetit të Vushtrrisë në shërbim të qytetarëve iu është bashkuar edhe Drejtoresha aktuale për Kulturë,Rini dhe Sport e Komunës së Vushtrrisë, Fatmire Cecelia.
Ajo ka thënë se së bashku me kryetarin e Komunës së Vushtrrisë janë duke bashkëpunuar seriozisht me IKMM që Kalaja të kthehet funksionimit dhe të jetë në shërbim të qytetarëve.
Cecelia po ashtu ka thënë se çelësat i janë dorëzuar nga ish-drejtoresha Rama IKMM-së pa kërkesën e tyre, pak ditë para përfundimit të mandatit të saj.
Por jo vetëm çelësat e Kalasë, Cecelia pohon se asnjë dokument tjetër nuk iu është dorëzuar asaj nga ish-drejtoresha Rama.
“Për vitet sa ka qenë drejtoreshë e DKRS-së, znj. Rama, përveç çelësave të Kalasë, tek pasuesja e saj nuk ka dorëzuar asnjë dokument zyrtar, përfshirë këtu shkresat, vendimet, kërkesat e të tjera.” ka shkruar ajo në facebook.