Në një manifestim solemn për nder të 10 vjetorit të Pavarsisë së Kosovës që u mbajt në Qendrën e Kulturës “Hasan Prishtina” në Vushtrri, fjalim ka mbajtur edhe kryetari i Komunës së Vushtrrisë, Xhafer Tahiri.
Tahiri ka vlerësuar lartë kontributin e jashtzakonshëm të shumë brezave për Pavarsinë e Kosovës në kurorëzimin e përpjekjeve për liri e pavarësi.
“Kur të ketë kaluar kohë më e gjatë, kur të jenë shuar pasionet e egot personale, do të vijnë breza të rinj, e ata do të mahniten me vizionin politik të Dr. Ibrahim Rugovës për një Kosovë të lirë të pavarur, të integruar në Bashkimin Evropian, e orientuar në vlerat perëndimore dhe në miqësi të përhershme me Shtetet e Bashkuara të Amerikës.” shtoi Tahiri.
Ai gjithashtu u ndal edhe tek qeverisja e re e Vushtrrisë së cilës i prinë vet ai. Tahiri tha se Vushtrria ka nevojë për zhvillim, për vende pune për të rinjtë dhe për infrastrukturë cilësore.
“Qyteti I Vushtrrisë ka nevojë për zhvillim, të rinjtë e Vushtrrisë presin nga ne përkrahje për vende të reja të punës. Ne duhet të përmirësojmë cilësinë e infrastrukturës dhe duhet të përmirësojmë kushtet e jetesës për qytetarët e Vushtrrisë.” tha Tahiri.
Por jo vetëm kaq, i pari i Vushtrrisë tha se Kosova do të rroj e zhvillohet përjetsisht vetëm nëse ne punojmë fort për të.