Një prej vendimeve të qeverisjes së kaluar është edhe dhëni në shfrytëzim e një pjese të oborrit të Kalasë së Vushtrrisë.
Ky vendim është anuluar sot nga i pari i Vushtrrisë Xhafer Tahiri, i cili ka njoftuar për anulimin e kontratave me operatorët privat që kishin paraparë vendosjen e disa kioskave në oborrin e Kalasë së Qytetit të Vushtrrisë.
Sipas njoftimit që vetë Tahiri ka lëshuar në facebook, vendimi është anuluar përshkak se qirramarësit nuk i janë përmbajtur obligimeve kontraktuale.
Për këtë vendim Tahiri ka marrë edhe mbështetjen e Institutit për Mbrojtjen e Trashëgimisë Kulturore.
