Për sot është paralajmëruar një protestë me kërkesë deputetët e Kuvendit të Kosovës për të miratuar Marrëveshjen për Demarkacionin me Malin e Zi.
Protesta është paralajmëruar për në ora 10:00, atëherë kur është paraparë edhe fillimi i seancës së Kuvendit.
Por në protestë deri tani janë parë një numër i vogël protestuesish.
Bashkim Fazliu nga Fondacioni i Kosovës për Inovacion, organizator i protestës tha se duhet dhënë mbështetje demarkacionit për t’ua mundësuar qytetarëve lirinë e lëvizjes.
Protestuesi Islam Krasniqi tha se qytetarët nuk ua kanë askujt borxh të jenë të izoluar.
Gjatë kësaj kohe, një protestues ka hedhur ve në drejtim të Albin Kurtit. /Telegrafi/