Përkitazi me zhvillimet e fundit në skenën politike dhe që kanë të bëjnë me seancën e sotshme për kalimin e Demarkacionit ka reaguar edhe juristi nga Vushtrria, Shpëtim Morina.
Sipas tij demarkacioni sot duhet të kaloj për shumë arsye, por arsyeja kryesore është perspektiva e rinisë sonë si dhe ndalimit getoizmit të vendit që është duke ndodhur në pamundësi të miratimit të demarkacionit.
“Lista Serbe prapë po na bëhet faktor që vendimet e mëdhaja të shtetit tonë të mos kalojnë pa aprovimin e tyre dhe nëpërmjet tyre shefave të tyre në Beograd. ” ka shkruar Morina në facebook.
“Prandaj është turp që faktori vendor të mos ketë një gjuhë të përbashkët për të ardhmen e vendit por të kërkohet që përmes konsesioneve që kërkon kjo listë, të votoj në favor të kësaj marrëveshje.” ka shtuar ai.