itëve të fundit, vendi po karakterizohet me temperaturat më të ulta të vitit.
E kur shumë persona nuk kanë dru për t’u ngrohur, shumë të tjerë nuk kanë as kulm mbi kokë.
Gjysmë lakuriq ata dalin rrugëve për të kërkuar lëmoshë.
Shpesh shihen duke u dridhur nga i ftohti.
Disa duke pastruar xhama, disa të tjerë duke shitur gjëra të ndryshme rrugëve, e disa të tjerë madje të shtrirë në tokë.
Pikërisht para kishës ortodokse, gjatë ditës së sotme është parë një burrë, gjysmë lakuriq, i shtrirë në borë duke kërkuar lëmoshë.
Qëndronte në borë, ani pse trupi i tij dridhej nga i ftohti.
Në një përgjigje dhënë Tribuna Channel, Policia e Kosovës thotë se dukuria e kërkim lëmoshës vazhdon të jetë prezente në Kosovë, e madje sipas tyre, nuk janë vetëm shtetas të Kosovës.
“Problemi i kërkim lëmoshës si dukuri mbetet ende e pranishme në qytetet e Republikës së Kosovës sidomos në kryeqytetin e Prishtinës. Fëmijët por edhe të rriturit të cilët kërkojnë lëmosh nuk janë vetëm shtetas të Kosovës, por sipas informacioneve dhe përvojave që kemi nga tereni një numër më i madh prej tyre janë shtetas të Shqipërisë”, shton tutje Policia e Kosovës.
Madje sipas tyre këta persona shpesh herë janë edhe të rrezikshëm.
“Në vazhdimësi Policia e Kosovës në bashkëpunim me institucione tjera ka ndërmarr veprime ligjore për largimin e lypsarëve nga rruga ku janë organizuar fushata të ndryshme, megjithatë kjo dukuri po vazhdon të jetë e diçka e zakontë”, transmeton Gazeta Tribuna.
Sipas ligjit për Rend dhe Siguri Publike dukuria e kërkim lëmoshës është kundërvajtje.
Duke i’u referuar shifrave të Policisë së Kosovës, gjatë vitit 2017 janë identifikuar 351 persona të cilët kërkojnë lëmoshë.