Disa nga deputetët e Lidhjes Demokratike të Kosovës, në krye me Avdullah Hotin para pak çastesh janë takuar me ambasadorim amerikan në Kosovës, Greg Delawie.
Burime të Gazetës Blic nga ky takim kanë bërë të ditur se LDK është zotuar që ta votojë demarkacionin me Malin e Zi, por e ka një kusht.
E, ky kusht ka të bëjë me heqjen e raportit të Komisionit të Shpejtim Bulliqit.
“LDK ia paraqiti kërkesën e saj ambasadorit amerikan. Sipas tyre, duhet që të hiqet raporti i Bulliqit, dhe pastaj ata do ta votojnë marrëveshjen”, tha ky burim i Gazeta Blic.
Ndërkohë në brenda pak çastesh pritet të filloj seanca e Kuvendit të Kosovës, ku pritet të hidhet në votim ky projektligj për marrëveshjen për demarkacionin me Malin e Zi.
Deri më tash është Lëvizja Vetëvendosje ajo e cila ka dalë publikisht kundër kësaj marrëveshjeje.
Procedimit për në Kuvend të marrëveshjes për demarkacionin i ka paraprirë, një deklaratë politike e dy presidentëve, atij të Kosovës dhe të Malit të Zi, ku do të ketë korigjim të shënjimit të kufirit, nëse vërtetohet se janë bërë gabime.