Kryetari i Skenderajit, Bekim Jashari po e ka të vështirë udhëheqjen e Komunës pasi seancat e Kuvendit po i braktisin asamblesitët e partive.
Sot ka dështuar të mbahet seanca e Kuvendit Komunal në Skenderaj, pasi asambleistët e partive e braktisën seancën.
Pas kësaj, në një konferencë për media, kryetari Bekim Jashari, ka akzuar të gjitha partitë politike të cilat sipas tij po e pengojnë zhvillimin ekonomik të komunës, shkruan Magazina.al
Ai ka fajësuar fillimisht asambleistët e PDK-së, dhe zyrtarët e kësaj partie në Skenderaj të cilët i ka përmendur me emra.
“Po i pengon ish kryesuesit, Ismet Salihit, po i pengon dajës së babes tim, Jetullah Gecit që ka qenë komandant i brigadëes 112 për clirim të këtij vendi e që sot është pengesë për zhvillim të këtij vendi, po i pengon Sahit Citakut, Rasim Shalës që është dhëndër i dajës së babes tem, Lavdie Gecit, po i pengon Arban Osmanit që rri nëpër kafe me juve e sot e pengon këtë seancë, Alber Rexhepit, Fitore Maxhunit, Latif Smakiqit, Adelina Spahiut, po i pengon befasishëm që nëpër media ska lë asgjë pa thënë për qeverisjen e kaluar, Lëvizjes Vetëvendosjes e që në këtë rast është,Vjollca Ramadani e Hysni Mehani”, ka thënë Jashari.
Jashari ka akuzuar se e gjitha kjo po bëhet për të penguar punën e tij si kryetar dhe për interesat personale./Magazina.al/