Tash dhe tutje qytetarët e Vushtrrisë nuk do të paguajnë tarifën prej 1 euro për procedimin e kërkesave të ndryshme në zyrën pritëse komunale.
Vendimi për këtë është marrë nga Drejtoria e Administratës në bashkëpunim të ngushtë me Zyrën Ligjore të Komunës si dhe Kryetarin e Komunës.
Për heqjen e kësaj tarife ka njoftuar Drejtori për Administratë në Komunën e Vushtrrisë, Mehmet Selaci.
“Besojmë fuqishëm, që me hapa të sigurtë, administrata jonë, për një kohë të shkurtër do të jetë shembull në Kosovë.” ka shtuar Selaci në profilin e tij në rrjetin social facebook.